உருவமற்ற ஓவியம்.

பெரும்பாலான எனது ஓவியங்கள், கருப்பு வெள்ளையிலேயே.
கருப்பு வண்ணத்தோடு எனது உதடுகள் காற்றை ஊதி விளையாடும்போது மற்ற வண்ணங்கள் சற்றுப்பொறாமையோடு பார்த்துக்கொண்டிருக்கும்.
பொறுமையிழந்த வேளையில் என்னோடு மெதுவாக சண்டை தொடங்கும்.
அவற்றின் புலம்பல்களைக்கண்டும் காணாததுபோல கறுப்போடு விளையாடிக்கொண்டிருப்பேன்.
பொறுமையிழக்கும் ஒரு புள்ளியில் புதிய வெள்ளைக்கித்தானில் எல்லா வண்ணங்களோடும் போலிக்கோபமாக கைகளும் தூரிகையும் உறவாடுகையில் உணர்ச்சியின் உருவமாக உருவமற்ற ஓவியம் உருவாகும்.